|
mandag 14. mars 2011 |
Lagsfest og årsmøte 8. apri1
Det er endeleg duka for medlemmsfest i samband med årsmøte 8. april. Det vert konsert med Kenneth De Gala og Ottar Kåsa med påfølgjande dans denne kvelden.
Tilstelninga vil finne stad i INTIMSALEN på Riksscenen, Schous kulturbryggeri, bygg J/K, Trondheimsveien 2.
18:30 Årsmøte
20:00 Konsert med Kenneth De Gala og Ottar Kåsa
Billettprisen vert kr. 120 og inkluderar lett servering. Drikke kan kjøpast i baren.
Ta gjerne med instrument og kom. Denne kvelden vert stemninga god!
|
|
|
|
|
mandag 14. mars 2011 |
Årets kurs i fele, hardingfele og sang for born er vel overstått
Om lag 50 born fekk 11. og 12. mars undervisning i fele og song på Ila skule. Læremeisterane var Britt Pernille Frøholm, Marit Vestrum, Tone Juve, Jo Einar Sterten Jansen, Hilde Vehusheia, Silje Onstad Hålien og Mari Skeie Ljones.
Laurdagen denne helga, vart kurset avslutta med ein konsert for familie og kjende. Godbitar som "Reinlender fra Østerdalen", "Alle mann hadde fota", "Vals i a-moll" og "Tusseliten og Tusseladden" var å få høyre her.
Responsen på kurset var god og foreldre på kurset ytra ynskje om å danne eit juniorspelemannslag i Oslo. Dei ville gjerne ta saka vidare med Kulturskulen og Laget for Folkemusikk.
Samlinga er støtta av Rådet for folkemusikk og folkedans, Frifond og KOMP.
| |
|